Plantun de Prouvènço

Pèr coumpara dos planto d'encò nostre

Gaudinia fragilis & Trisetum flavescens

Gaudinia fragilis

Poaceae Graminaceae

Nom en français : Gaudinie.

Descripcioun :
Aquelo meno de pichot civadoun trachis dins li prado umido l'ivèr e ié flouris à la fin de la primo. S'escound entre-mitan di gràndis erbo e lou fau un pau cerca pèr lou vèire. Se recounèis pamens à sa longo enflourejado d'ounte parton d'arèsto mai o mens torso e peréu à si fueio bèn peludo (fotò). La lengueto èi membranouso. Un cop maduro, l'enflourejado èi di proun brouvo, o roumpadivo s'amas miés.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Grando erbo
Taio : 10 à 60 cm
Fueio : costo paralèlo
Tipe bioulougico : Teroufite
Cicle bioulougico : Planto de l'an

Gènre : Gaudinia
Famiho : Poaceae
Famiho classico : Graminaceae

Ordre : Poales

Coulour de la flour : Jauno
Petalo : ges
Ø (o loungour) enflourejado : 5 à 40 cm
Flourido : Printèms - Estiéu

Sòu : Si (Ca)
Autour basso e auto : 0 à 800 m
Aparado : Noun
Mai à juliet

Liò : Prado umido - Pelouso - Champino
Estànci : Termoumediterran à Coulinen
Couroulougi : Eurimediterrano
Ref. sc. : Gaudinia fragilis (L.) P.Beauv., 1812

Civadoun

Trisetum flavescens

Poaceae Graminaceae

Noms en français : Avoine dorée, Avoine jaunâtre.

Descripcioun :
Lou civadoun douno d'èr à uno pichouno civado emé si pichòtis espigueto (5 à 8 mm) coulour de fen seca que caupon dos à quatre flour. L'enflourejado èi di proun daurado e esbrihanto un cop maduro. Se recounèis peréu i glumo de dessouto que soun mai courteto e estrecho qu'aquéli de dessubre. Li lemma porton de lònguis arèsto estacado dessouto li tres pèr dos (fotò), e emé un couide.

Usanço :
Lou civadoun pòu douna encò li fedo, la "caucinoso pulmounàri enzououtico", valènt-à-dire la fourmacioun de teissu fibrous dins li poumoun. Pèr acò dèu pas èstre vist coume uno planto pasturiero.